Ijoba awaarawa yii dun bi?

15

Ijoba awaarawa yii dun bi?

Fun ojo pipe ni opo omo orile-ede Naijiria fi jiya lati gba ijoba awaarawa ti awon eeyan n pe ni democracy. Koda lati aye oyinbo amunisin ni awon ti won te Naijiria tuntun do gan ni a ti n ja fitafita lati gba ijoba awa omo ilu ti yoo si ni ti awaarawa ninu.

Gbogbo laala awon to ja fun ijoba awaarawa omo onilu lo ja si pabo nigbati oloogun gbajoba ni odun 1963, lati igbayi ni okan awon eeyan ti wa loke ki won to le fi oju ri ijoba alagbada.

Opo ojo lo wa ti ro ti ile si ti fi mu ni Naijiria, sugbon ojo to n ro lowo yii ko fi gbogbo ara yee awon eeyan. Ti a ko ba sora, ojo yi a pa teru tomo po, yoo si je ki gbegiri waa san gege bii omo orile-ede.

Awon eeyan ti bi mi pe kini anfani ijoba awaarawa? Ni idahun temi moni, ‘aaye ati le lanu soro laisi iberu ni anfani kan soso to wa ni inu democracy ’. 

Ijoba awaarawa ko nii pese ina,omi,ona,eto aabo,ati beebeelo. Ijoba gangan nii peese oun amaye-derun,ijoba tii sii se be ko ni oruko. Fun apeere gbogbo awon oun amu-yangan nile yii, eyi to poju nibe ijoba oloogun lo pese won yato sii awon eyi to ti wa nigbati Awolowo n se ijoba, gbogbo iyoku awon oloogun ni won see. Eyi fihan pe koda kaa wa ni ijoba Oba, oloogun, ti omowe tabi ti awaarawa oun to se pataki julo ni idagbasoke alailegbe.

Ki ilu fararo ki oun amayederun wa ni ilu je Pataki julo ninu ise ti ijoba gba. Awon ti won n tuko Naijiria ko rii bii enipe awon ni ise kankan lati se, kaka bee bi aye awon omo won see maa daa ti gbogbo awon yooku to wanile yii yoo ma sin awon omo won ni won n wa. Ni bii ose mesan seyin mo so fun wa nipa pe awon ti a dibo yan ni ile igbimo asofin senate ko ronu nipa ti ara ilu, bi ko se nipa ti ebi won. 

Won ko bowo fun egbe kankan tabi eeyan kankan, won si gbagbo pe oun ti awon ba se asegbe ni nitori leyin odun merin awon yoo wa toro ibo pelu owo tabua. Ti eeyan ba si wo bii iya se po to nile yii, kia ni awon eeyan yoo dibo fun won. A o rii apeere oro yii ninu bi won se se ere itage fun wa ni ose to koja.

Bi won se yan aare ile igbimo asofin ati awon ti yoo di ipo mu ninu iho chamber fihan pe awon asofin yii ni opo nnkan ti won n gbe pamo. 

Won ko I tii lo osu kan nigba ti won ti bere si ni soro nipa owo aso ti won yoo maa wo.

Se ihoho ni won wa si ile igbimo asofin ni? Abi won ko ni aso kankan rara nile yato si eyi ti won wo wa si iho chamber yii?O ti dun mo won lati maa gbe gbogbo isoro won sori Naijiria nitoripe a n se ijoba awaarawa. Kilode to je pe awa ni a oo ma ra aso fun seneto? Ki lo n je wardrobe allowance? Ko sii tii tan sibe gbogbo oun ti won nse ninu iho ti won wa yii ni won ma n gba owo re. Awon asofin ti won soju lara awon eeyan to n jiya ju lagbaye ni o wa je pe awon gan ni asofin tii n gbadun ju lagbaye! 

Iya pupo ni yoo je gbogbo omo ilu yii ti won ba fowo leran lati maa wo awon oloselu yii lai pariwo kudikudie won sita. O se Pataki fun wa lati ma gba ki iwa jegudujera awon oloselu je gaba le wa lori.

Ka tun fire pade!